शान्तिपूर्ण धर्नामा बसी न्यायको माग गर्दा आरती साहका परिवार लगायत २५ जनालाई प्रहरीले पक्राउ गरेको घटनाप्रति गम्भीर ध्यानाकर्षण
मिति २०८० साउन २९ गते
धनुषा जिल्ला नगराइन-८ खिरखिरया निवासी २५ वर्षीय आरती साहको दाइजोको कारण परिवारबाट नै हत्या भएको माइती पक्ष को दाबी छ । उक्त घटनामा माइती पक्षले जाहेरी दर्ता प्रक्रियादेखि अनुसन्धानको क्रममा समेत निकै दु:ख झेल्नु परिरहेको छ । निज आरती साहको माइती पक्षद्वारा घटनाको सत्यतथ्य एवं निश्पक्ष छानबिन हुनुपर्ने माग राखी विगत ५९ दिनदेखि माइतीघर मण्डलामा लगातार २४ घण्टे धर्नामा बसिरहेका छन् तरपनि, उनीहरूको मागको सुनुवाइ भएको छैन । यस अवधिमा उनीहरू शारीरिक तथा मानसिकरूपमा प्रभावित भएका छन भने उनीहरूको आधारभूत मानव अधिकार समेत हनन् भएको अवस्था छ । यसरी लगातारको सरकारसँग निश्पक्ष छानबिनको माग गरी शान्तिपूर्ण धर्नामा बस्दा उनीहरूको मागको सुनुवाइ नभएको कारण आज सिंहदरबार अगाडि धर्ना बसी न्यायको माग गर्न बाध्य भएका आरती साहका परिवार लगायत २५ जनालाई प्रहरीले कष्टडीमा लिएको घटनाप्रति महिला मानव अधिकार रक्षकहरूको राष्ट्रिय सञ्जालको गम्भीर ध्यानाकर्षण भएको छ । हाल अनामनगर प्रहरी वृतमा राखिएको उहाँहरुलाई बिना सर्त तत्काल रिहाइ गर्न माग गर्दछौं । साथै प्रभावितहरूले निश्पक्ष न्यायको माग गर्दा न्याय पाउनुको सट्टा प्रभावितहरूलाई नै पक्राउ गरी थुनामा राख्दा दोषीलाई अराजक गतिविधि गर्न र अपराधिक क्रियाकलाप गर्न प्रोत्साहन मिल्ने हाम्रो ठहर छ । तसर्थ, यथासक्य शीघ्र पक्राउ गरिएका आरती साहका परिवार लगायत सम्पूर्णलाई रिहाइ गर्न, उनीहरुको उचित मागको सम्बोधन गरी न्याय प्राप्त हुने वातावरण सुनिश्चित गर्न महिला मानव अधिकार रक्षकहरूको राष्ट्रिय सञ्जाल सरकार समक्ष जोडदार माग गर्दछ ।
Leave a Comment
Posted: March 20, 2024 by NAWHRD
प्रेस विज्ञप्ति
शान्तिपूर्ण धर्नामा बसी न्यायको माग गर्दा आरती साहका परिवार लगायत २५ जनालाई प्रहरीले पक्राउ गरेको घटनाप्रति गम्भीर ध्यानाकर्षण
मिति २०८० साउन २९ गते
धनुषा जिल्ला नगराइन-८ खिरखिरया निवासी २५ वर्षीय आरती साहको दाइजोको कारण परिवारबाट नै हत्या भएको माइती पक्ष को दाबी छ । उक्त घटनामा माइती पक्षले जाहेरी दर्ता प्रक्रियादेखि अनुसन्धानको क्रममा समेत निकै दु:ख झेल्नु परिरहेको छ । निज आरती साहको माइती पक्षद्वारा घटनाको सत्यतथ्य एवं निश्पक्ष छानबिन हुनुपर्ने माग राखी विगत ५९ दिनदेखि माइतीघर मण्डलामा लगातार २४ घण्टे धर्नामा बसिरहेका छन् तरपनि, उनीहरूको मागको सुनुवाइ भएको छैन । यस अवधिमा उनीहरू शारीरिक तथा मानसिकरूपमा प्रभावित भएका छन भने उनीहरूको आधारभूत मानव अधिकार समेत हनन् भएको अवस्था छ । यसरी लगातारको सरकारसँग निश्पक्ष छानबिनको माग गरी शान्तिपूर्ण धर्नामा बस्दा उनीहरूको मागको सुनुवाइ नभएको कारण आज सिंहदरबार अगाडि धर्ना बसी न्यायको माग गर्न बाध्य भएका आरती साहका परिवार लगायत २५ जनालाई प्रहरीले कष्टडीमा लिएको घटनाप्रति महिला मानव अधिकार रक्षकहरूको राष्ट्रिय सञ्जालको गम्भीर ध्यानाकर्षण भएको छ । हाल अनामनगर प्रहरी वृतमा राखिएको उहाँहरुलाई बिना सर्त तत्काल रिहाइ गर्न माग गर्दछौं । साथै प्रभावितहरूले निश्पक्ष न्यायको माग गर्दा न्याय पाउनुको सट्टा प्रभावितहरूलाई नै पक्राउ गरी थुनामा राख्दा दोषीलाई अराजक गतिविधि गर्न र अपराधिक क्रियाकलाप गर्न प्रोत्साहन मिल्ने हाम्रो ठहर छ । तसर्थ, यथासक्य शीघ्र पक्राउ गरिएका आरती साहका परिवार लगायत सम्पूर्णलाई रिहाइ गर्न, उनीहरुको उचित मागको सम्बोधन गरी न्याय प्राप्त हुने वातावरण सुनिश्चित गर्न महिला मानव अधिकार रक्षकहरूको राष्ट्रिय सञ्जाल सरकार समक्ष जोडदार माग गर्दछ ।
श्यामकुमारी साह
अध्यक्ष
महिला मानव अधिकार रक्षकहरूको राष्ट्रिय सञ्जाल
Category: Press release